Месяц: Сентябрь 2020
Արևելյան դպրոց-պարտեզ
Տեխնոլոգիայի հերթական դասը անցկացրեցի Արևելյան դպրոցում` 6-7 տարեկան սովորողնեիր մոտ: Դասի թեման երկրաչափական մարմիներն էին, որի նպատակն էր ոչ միայն սովորողներին ծանոթացնել դրանց հետ, այլ կիրառել դրանք կերպարվեստում: Դասվարը թեմային ծանոթացնելուց հետո, գրատախտակին ցույց տվեց թե ինչպես կարելի է այն կիրառել , որից հետո սովորողները սկսեցին իրենց ստեղծագործական աշխատանքը: Սովորողներն երկրաչափական մարմիններից ստացան ուրախ և գունեղ պատկերներ:
Երկրաչափական հետաքրքիր պատկերներին փոխարինեց մեր հայրենիքի տեսարժան վայրերը, որը հաջորդ դասաժամի թեման էր: Առաջադրանքը լսելուց հետո սովորողներն անմիջապես անցան գործի ,քանի որ տրամադրող էր և՛ թեմայի անվանումը, և ՛ երաժշտության ընտրությունը: Սովորողների աշխատանքները տարբերվում էին իրարից, բայց զգացվում էր մի ընդհանուր տրամադրություն՝ սեր և ջերմություն հայրենիքի նկատմամբ:
«Մխիթար Սեբաստացի» կրթահամալիրի Արևմտյան դպրոց-պարտեզ
Ասում են, ինչպես սկսեսք ձեր օրը , այպես էլ այն կանցնի։ Կրթահամալիրի մուտքի մոտ արդեն կար ուրախ տրամադրություն ` երգ ու շուրջպար, դասվարների և սովորողների կատարմամբ։ Այսպես է սկսվում յուրաքանչուր սովորողի և դասվարի օրը կրթահամալիրում, որը իմ կարծիքով, ոչ միայն ստեղծում է լավ տրամադրություն, այլ սովորողներին կրթում է ազգային ոգով:
Օրվա լավ սկզբին հաջորդեց հաջող դասապրոցեսը: Մասնակցել եմ տեխնոլոգիայի դասերին, որոնցից ստացել եմ վառ տպավորություններ: Շատ կարևոր էր, որ սովորողներն ինձ հետ համագործակցեցին սիրով․ դասվար- սովորող կապը ստացվեց։
Ներկա եմ եղել 1-2 դասարանի սովորողների տեխնոլոգիայի դասերին, որտեղ սովորողները մեծ սիրով և ոգևորությամբ նկարում էին իրենց առաջադրված թեման: Տաղանադավոր էին սովորողներից յուրաքանչյուրն , անսպառ էր նրանց երևակայությունը : Այնուհետև փոքրերի աշխարհից անցա դեպի ավելի բարձր դասարան, որտեղ, իհարկե, պահանջն ավելի է մեծանում: 4-5 դասարանի սովորողների հետ գծագրեցինք իրենց ննջասենյակները ՝ մի փոքր ծանոթացնելով գծագրական հմտություններին:
Ինձ մոտ ձևավորված լավ տպավորությունների և ոգևորության գործում մեծ էր դասվարների դերը , որոնց բարեկիրթ մոտեցումն ինձ ավելի մոտեցրեց կրթահամալիրին:
Կամավոր աշխատանքներ
ՈՒսումնական նախագիծ
Անվանումը (վերնագիրը)` կերպարվեստը ամենուր
Նախատեսված է (նշել տարիքային խումբը, դասարանը)՝ 5-7 դասարանի սովորողների համար
Մասնակիցներ՝ 10-12 տարեկաններ, դասավանդողներ
Նպատակը ՝
- երեխաների մոտ զարգացնել մտածողությունը,
- ինքնաարտահայտվելու կարողությունը,
- նկարչական հմտությունները տարբեր ոլորտներում կիրառելու կարողությունը։
Խնդիրները `
- սովորողների մոտ զարգացնել նյութի հետ աշխատելու հմտությունները,
- յուրաքանչյուր սովորողի մոտ անհատական ձեռագրի զարգացում,
- զարգացնել գեղեցիկը տեսնելու և գեղեցիկի կանոներով ապրելու կարողություն ,
- զարգացնել գունազգացողությունը։
Նախագծի ընթացքում նախատեսվում է (ակնկալիքներ, արդյունքներ) սովորողների մեջ զարգացնել հասարակության մեջ ինքնաարտահայտվելու կարողություն և մեր սիրելի իրերին նոր կյանք տալու հմտություն։
Միջավայրը (նշել իրականացման վայրերը)` բնության գրկում
Անհրաժեշտ գործիքները՝
- սովորողի անձնական հագուստ կամ այլ իր,
- որևէ հարթություն իրն ամրացնելու կամ դնելու համար,
- մատիտ, վրձին,
- ամրակներ,
- հագուստին կամ տվյալ իրին համապատասխան ներկեր,
- կատարվելիք աշխատանքի էսքիզը։
Կիրառվող մեթոդները՝ ինքնուրույն աշխատանք կամ մոնտեսորյան մեթոդ,
Նախագծի ընթացքում նախատեսվող ուսումնական ճամփորդություն(ներ)ը, համագործակցությունները, կրթական փոխանակումները ՝ սովորողների հետ այցելել կիրառական արվեստի բոլոր ճյուղերի մասնագիտացված խմբակներ և կազմակերպել յուրաքանչյուր ճյուղի մասնագետի հետ հանդիպում։
Նշել նախագծի հնարավոր հեռանկարային զարգացումները՝ կերպարվեստի ներգրավումը սովորողների առօրյա, սովորողների կողմից նյութի ընկալումը ոչ որպես նյութ այլ նաև գեղարվեստական արժեք։
«Իրական կյանքի գոտի »
Վերոնշյալ վերնագրում ամփոփվում են իմ ՝ կրթահամալիրից ստացած տպավորությունները։ Քանի որ տարվում են հսկայական աշխատանքներ յուրաքանչյուր սովորողի հետ, նրան որպես անհատականություն ձևավորելու համար, համատեղելով՝ ուսումնական գործընթացն իրական կյանքի հետ ։ Համալիրն կրթում է բազմակողմանի զարգացած, իր «ես »-ը կարևորող, հասարակությունը սիրող և հարգող, կյանքին ինտեգրված հասուն մարդ։
Հատկապես ոգեշնչող էր կրթահամալիրի հիմնադիր տնօրենին` Աշոտ Բլեյանին ( ով նաև մանկավարժ և հասարակական գործիչ է) հանդիպելը։ Նրա հետ զրույցն ողողված էր սովորողների և համալիրի նկատմամբ անսահման սիրով, որն փոխանցվում և ոգևորում է դիմացինին։
Միջավայրն ձևավորված է այնպես, որ ոչ միայն հետաքրքիր լինեի, այլ բավարարի նաև տվյալ տարիքի երեխաների անհրաժեշտությունները ։ Դասասենյակներում յուրաքանչյուր իր նախատեսված է սովորողի զարգացմանն աջակցելուն՝ արթնացնելով նրա բնական հետաքրքրությունները։
Համալիրի՝ մթնոլորտին և բարեհամբույր անձնակազմին ծանոթանալով, կրկնապատկվեց իմ ցանկությունը կրթահամալիրում աշխատանքի անցնելու և զարգանալու կրթահամալիրի մեթոդներով։
Ինքնակենսագրական
Ես Անուշ Գևորգյանն եմ։ Ծնվել եմ 1990 թ․ հունիսի 17-ին։ Միջնակարգ կրթությունը ստացել եմ ք․ Մասիսի թիվ 4-րդ դպրոցում։ 2007 թ․ընդունվել եմ ՀՊՄՀ-ի Գեղարվեստի ֆակուլտետ, որտեղ ստացել եմ և՛ բակալավրի, և՛ մագիստրոսի աստիճան։ Մարդկային հարաբերությունները ուսումնասիրելու և զարգացնելու նպատակով, 3 ամիս աշխատել եմ սպասարկման ոլորտում։ Սիրում եմ ինքնուրույն ձեռք բերել նոր գիտելիքներ և ինձ փորձել տարբեր ոլորտներում։ Այդ իսկ պատճառով 2013թ-ից աշխատել եմ «Ֆարրեն» հարսանյաց սրահում որպես մենեջեր- դիզայներ։
Ամուսնացած եմ ունեմ երեխա և իմ կյանքի «դեկրետային» փուլը օգտագործել եմ նոր գիտելիքներ ( տորթերի ձևավորում և դիմահարդարում) ձեռք բերելու և ինքնազարգացման համար։ Քանի որ սիրում եմ իմ մասնագիտությունը, պատվերով նկարում եմ գործվացքների վրա։ Մասնագիտության ընտրությունը կապված է երեխաների նկատմամբ ունեցած մեծ սիրո հետ, քանի որ նրանք լցնում են մեր կյանքը ,ունեն անսպառ երևակայություն, դրականը տեսնելու և գնահատելու մեծ կարողություն։
Եվ որպես վերջաբան , նաև ինձ ամբողջական բնութագրող մոդուլ , մեջբերեմ հանրահայտ Լեոնարդո Դա Վինչիի խոսքերը․«Խառնվածքից զուրկ մարդը չի կարող ոչ՛ նկարիչ լինել, ոչ՛ բազմակողմանի մարդ, ոչ էլ ընդհանրապես մի մարդ, որը ինքնամոռաց կարող էր զբաղվել գիտական կամ գեղարվեստական պրոբլեմներով»։