Այսօրվա մեր սեմինար պարապմունքը ավելի շատ նման էր արտ-թերապիայի. ձեռքերով կավը մշակեցինք և նրա բնական-դրական էներգիան ստացանք։Բայց ստեղծագործելուց առաջ Ալիս Գևորգյանը մեզ ծանոթացրեց նյութի հատկությունների ,նրա հետ աշխատելու տեխնիկայի, թրծման և այլ մանրամասների հետ։
Ամանորյա հեքիաթային տրամադրությունը և նոր ստացած գիտելիքները մեզ օգնեցին ստեղծել և ստեղծագործել ……
Այսօր մեր սեմինար պարապմունքի առաջին տեսական օրն էր։ Հաջորդ պարապմունքին կփորձենք կիրառել մեր ստացած ` տեսական գիտելիքները գործնականում։Բավականին հետաքրքրիր տեղեկություններ ստացանք շների մասին, որոնք կօգնեն մեզ ավելի վստահ և անվախ մոտենալ շներին։
Սեմինար պարապմունքի շնորհիվ, մենք մոռացանք անձրևային` մռայլ եղանակի մասին, մենք այն ուղղակի «չիք» արեցինք։ Մարինե Մկրտչյանի ոչ միայն ծանոթացրեց խաղերի տեսակների հետ, այլ նաև նոր հետաքրքիր գաղափարներ և մեծ ոգևորություն տվեց մեզ։
Սեմինարը սկսեցինք հաշվերգով `խաղացինք մատնահաշիվ, ոտնահաշիվ։Հաշվերգերը, սովորաբար ասում են հաշվելու նպատակով, ռիթմիկ ձեռնախաղերի, մատնախաղերի, մանկական նստած որոշ խաղերի ժամանակ. — Էկե դուկե, տըմըզա,
Թալան չուկե պուպուզա,
Մախտե կոճակ, դան պլոճակ, ճան ճուկ:
Ճվիկներ, մատնախաղեր, իրարքաշոցի, իրարհրոցի խաղերը ոչ միայն զվարաճալի են ու հետաքրքիր ,դրանք նաև արդյունավետ են դարձնում ուսումնական գործընթացը և օգնում են, որ սովորողները էլ ավելի մոտ գտնվել մեր ազգային արմատներին։
Սեմինար պարապմունքը ավարտեցինք ամանորյա չարխափան ծիսական խաղով։
«Հազարան հավք» փառատոնին ընդառաջ, երկարացված օրվա կազմակերպիչներով, սովորեցինք պատրաստել զարդեր պոլիմերային կավից։ Կավի այս տեսակի հետ աշխատանքը շատ հետաքրքիր էր , քանի որ այն քեզ ստիպում էր ստեղծագործել ….
Հետաքրքիր և բովանդակալից օր ունեցանք մենք` սեմինարի շնորհիվ։ Գեղեցկությունը տեսնելուն և գնահատելուն զուգահեռ , ծանոթացանք նոր հետաքրքիր բույսերի ` նրանց օգտակար հատկությունների հետ ։ Թեպետ արև էր, բայց դա մեզ չխանգարեց մաքրելու ծաղիկները մոլախոտերից.դժվար էր տարբերել ծաղկի` նոր ծիլը, մոլախոտից։
Փաստորեն Արտասահմանում մենք ստացանք արտ թերապիա…Կամ սեմինար , երբ մոռանում ես այնպիսի կարևոր և թանկ բանի մասին, ինչպիսին` ժամանակն է։
Ուրիշ ենք էլի……
Սեմինարի երրորդ օրն էլ անցավ, որը մեզ ֆիզիկական և հուզական մեծ բավականություն պատճառեց։ Իմ կարծիքով ձիավարությունից դրական լիցքեր ստանում ենք, ոչ միայն այն պատճառով, որ սիրում ենք կենդանուն, այլ այն , որ ձիու մարմնի ջերմաստիճանը 1-1,5 աստիճանով բարձր է մարդու մարմնի ջերմաստիճանից, և, նստելով ձիու վրա, մարդու մկանները ստանում են հզոր ջերմային մերսում:
Պետք է նշեմ նաև , որ ձիու ճիշտ քայլելու հետևանքով մարդու մկանները նույնպես սկսում են ճիշտ շարժվել ` կարգավորելով մեր ողնաշարը:
Մեր սեմինարի երկրորդ օրն է, որը մեծ բավականություն պատճառեց մեզանից յուրաքանչյուրին։
Անուշ Գևորգյան 